焦糖花生醬棉花糖脆皮雪糕筒 ($98)
-
本身一直都幾鍾意呢間雪糕店，
畢竟香港無Ben & Jerry’s呢類美式雪糕店，
嚟嚟去去都係朱古力雲尼拿同士多啤梨味咁，
難得呢間會有坊間比較少見嘅口味同配搭，
當中仲好多都有花生醬同曲奇呢啲我鍾意嘅元素，
不過後嚟供應嘅口味已經無開業初期咁多，
尖沙咀同荃灣嘅分店亦相繼結業，
最後只係剩低灣仔同中環兩間分店，
而呢幾日更加準備全線撒出香港🥲
雙球雪糕$78而Marsh”Mellow”棉花糖雪糕筒要另加$20，
每一款口味都大大球之餘質地綿密實在，
而我最鍾意嘅始終當然係薄荷朱古力碎曲奇，
不過臨近結業相信依家供應嘅口味應該少之又少，
雖然好可惜但都明白其實疫情持續咗咁耐，
大家都好少會好似以前咁喺街拎住杯雪糕食，
加上價錢唔算好平我諗呢段日子生意應該真係唔太理想捱得好辛苦🥲
.
———————————---—-
📍 Emack & Bolio's (中環)
中環閣麟街26號地舖
——————————-———-
.
.
Search